حکومت نے آئی ایم ایف کی شرائط پر عمل کرنا شروع کردیا

ذرائع کے مطابق وزارت خزانہ نے نوٹیفکیشن جاری کیا ہے، نوٹیفکیشن کے مطابق گریڈ 17 سے 22  تک کے افسروں اور ان کے اہل خانہ کے اثاثوں کی تفصیلات جمع کرنا لازمی ہے۔ سرکاری افسروں کو اندرون اور بیرون ملک تمام اثاثے ظاہر کرنا ہوں گے، ان کے اثاثوں کی تفصیلات متعلقہ اداروں کو شیئر بھی کی جاسکیں گی۔ نوٹیفکیشن کے مطابق تمام بینک افسران اور ان کے اہل خانہ اکاؤنٹس کی تفصیلات ایف بی آر  کو  دینے کے  پابند ہوں گے، یہ تفصیلات سال میں دو بار فراہم کرنا ہوں گی۔ تمام بینک 31 جنوری اور 31 جولائی کو تفصیلات ایف بی آر کو دیں گے، بینک اکاؤنٹس کی تفصیلات کی شیئرنگ میں اسٹیٹ بینک سپروائز کا کردار ادا کرے گا۔ ایف بی آر کی معاونت کیلئے بینکس فوکل پرسن مقرر کریں گے، تمام بینک، سرکاری افسران کے اکاؤنٹس کی تفصیلات کے ڈیٹا کو محفوظ رکھنے کے پابند ہوں گے۔