چودھری شجاعت حسین مسلم لیگ ق کے صدر برقرار

ذرائع کے مطابق چودھری شجاعت حسین کو پارٹی صدارت سے ہٹانے سے متعلق کیس کا چیف الیکشن کمشنر کی سربراہی میں تین رکنی کمیشن نے محفوظ کیا گیا فیصلہ سنا دیا ہے۔ الیکشن کمیشن نے چودھری شجاعت حسین کی برطرفی کو پارٹی آئین سے متصادم قرار دیتے ہوئے فیصلے میں کہا کہ سینٹرل ورکنگ کمیٹی کی کارروائی بھی غیر قانونی ہے، الیکشن کمیشن نے اپنے فیصلے میں ق لیگ کی سینٹرل ورکنگ کمیٹی کا جاری کردہ پارٹی الیکشن شیڈول بھی کالعدم قرار دے دیا۔ الیکشن کمیشن آف پاکستان نے مسلم لیگ ق چودھری شجاعت حسین کی درخواست منظور کرتے ہوئے انہیں پارٹی صدر برقرار رکھا ہے۔ یاد رہے کہ چند روز قبل مسلم لیگ ق کے صدر چودھری شجاعت حسین کو پارٹی صدارت سے ہٹا دیا گیا تھا اور ان کی جگہ ان کے بھائی چودھری وجاہت حسین کو ق لیگ کا صدر مقرر کیا گیا تھا، اس کے علاوہ طارق بشیر چیمہ کو ہٹاکر کامل علی آغا کو پارٹی کا مرکزی سیکرٹری جنرل بنایا گیا۔