لاہور میں پولیو کا افغانستان ویرینٹ پائے جانے کا انکشاف

ذرائع کے مطابق پنجاب پولیو پروگرام کا کہنا ہے کہ پولیو کا افغانستان ویرینٹ لاہور کے سیوریج  میں پایا گیا، آؤٹ فال روڈ سے لیے گئے ماحولیاتی نمونے میں پولیو وائرس کی تصدیق ہوئی، لاہور میں ماحولیاتی نمونے مثبت آنے پر دوبارہ پولیو مہم چلانے کا فیصلہ کیا گیا ہے۔پنجاب پولیو  پروگرام کا کہنا ہے کہ ماحولیاتی نمونے مثبت آنے پر آبادیوں کی میپنگ کا فیصلہ کیا ہے، افغان پولیو وائرس رپورٹ ہونے  پر مزید تحقیقات جاری ہیں، لاہور کی 28 یوسیز میں آئندہ ماہ پولیو مہم چلائی جائے گی۔