بابراعظم نے دوسری مرتبہ بڑا اعزاز اپنے نام کرلیا

تفصیلات کے مطابق آئی سی سی نے ون ڈے کرکٹر آف دی ایئر کا اعلان کیا ہے جس میں پاکستانی ٹیم کے کپتان بابر اعظم کو کرکٹر آف دی ایئر قرار دیا گیا ہے۔ بابر اعظم نے 2022 میں 9 ایک روزہ میچز میں 84 اعشاریہ 87 کی اوسط سے 679 رنز اسکور کیے جس میں تین سنچریاں اور 5 نصف سنچریاں بھی شامل تھیں۔ پی سی بی نے بھی بابر اعظم کو ون ڈے کرکٹر آف دی ایئر بننے پر مبارکباد دی۔ چیئرمین پی سی بی نجم سیٹھی نے بھی بابر اعظم کو مبارکباد دیتے ہوئے کہا کہ آئی سی سی کا اہم ترین ایوارڈز جیت کرپاکستان کا سر فخرسے بلند کیا، بابر اعظم پاکستان کے تمام نوجوان کرکٹرز کے لیےمشعل راہ ہیں۔ نجم سیٹھی نے مزید کہا کہ حارث رؤف، محمد رضوان، ندا ڈار کو ٹی ٹوئنٹی ٹیم آف دی ایئر میں شامل ہونے  پر مبارکباد دیتا ہوں۔