معروف پاکستانی مزاحیہ اداکار انتقال کرگئے

تفصیلات کے مطابق ڈرامہ سیریل ‘ففٹی ففٹی’ سمیت دیگر ڈراموں میں ناظرین کو اپنی بے ساختہ اداکار ی اور ہنسی سے لوٹ پوٹ کرنے والے اداکار ماجد جہانگیر انتقال کرگئے۔ ماجد جہانگیر کا انتقال لاہور میں ہوا ہے۔ اہل خانہ کے مطابق ماجد جہانگیر ایک ماہ قبل گھر پر بیڈ سے گر گئے تھے، بیڈ سے گرنے سے ان کی ریڑھ کی ہڈی فریکچر ہوگئی تھی، انہیں سانس کا مرض پہلے ہی تھا جو شدت اختیار کر گیا تھا۔ان کے بیٹے کا کہنا ہے کہ والد ماجد جہانگیر کی تدفین کراچی میں ہوگی۔

خیال رہے کہ ماجد جہانگیر نے 80 کی دہائی میں ڈراما سیریز ففٹی ففٹی سے شہرت پائی تھی۔