اسپیکر قومی اسمبلی کا پی ٹی آئی اراکین کے استعفے ایک ساتھ منظور کرنے سے انکار

ذرائع کے مطابق اسپیکر قومی اسمبلی راجا پرویز اشرف سے استعفوں کی منظوری ودیگر اہم معاملات پر پاکستان تحریک انصاف کے وفد کی ملاقات ختم ہوگئی ہے۔ ملاقات بے نتیجہ رہی ہے اور اسپیکر نے پی ٹی آئی کے تمام اراکین کے استعفے ایک ساتھ منظور کرنے سے معذرت کرلی ہے۔اسپیکر قومی اسمبلی راجا پرویز اشرف نے پی ٹی آئی وفد پر واضح کردیا کہ اراکین کے استعفے آئین اور اسمبلی قواعد کے مطابق ہی منظور کیے جائیں گے۔خیال رہے کہ اسپیکر قومی اسمبلی راجا پرویز اشرف نے استعفوں کی منظوری کے معاملے پر پی ٹی آئی وفد کو آج بلایا تھا جس پر سابق اسپیکر قومی اسمبلی اسد قیصر کی قیادت میں پی ٹی آئی وفد نے راجا پرویز اشرف سے ملاقات کی تھی۔