وزیراعلیٰ پنجاب پرویز الہیٰ اعتماد کا ووٹ لیں گے

تفصیلات کے مطابق تحریک انصاف کے رہنما فواد چوہدری کا کہنا ہے کہ تحریک انصاف کی قیادت نے فیصلہ کیا ہے کہ وزیراعلیٰ پنجاب اعتماد کا ووٹ لیں گے، ہمارا وفد جلد پرویز الٰہی سے ملے گا اور تاریخ طے کرے گا۔ ان کا مزید کہنا تھا کہ رانا ثنا اللہ اور سعد رفیق سے گزارش ہے کہ وہ اکانومی پر بات نہ کیا کریں، یہ تو نریندر مودی کے لبیرازم پر بات کرنے کے مترادف ہے، یہ اپنے وزیر فنانس کی بات سن لیں تو پتا چل جائے گا کہ اکانومی کا کیا حال کیا۔فواد چوہدری نے مزید کہا کہ بلاول نے خارجہ پالیسی کا بیڑہ غرق کر دیا، کابینہ کا فوکس بیرون ملک دوروں پر ہے اور کیسز ختم پر ہے، پاکستان میں اس وقت تک استحکام نہیں آئے گا جب تک الیکشن نہیں ہوتا۔