چیف سلیکٹر محمد وسیم کو عہدے سے ہٹا دیا گیا

ذرائع کے مطابق نجم سیٹھی نے چیئرمین پی سی بی کی انتظامی کمیٹی کا چارج سنبھالنے کے بعد چیف سلیکٹر محمد وسیم کو عہدے سے برطرف کردیا۔ وزیر اعظم شہباز شریف نے پی سی بی 2019ء کے آئین کو منسوخ کرنے اور نجم سیٹھی کی سربراہی میں 14 رکنی کمیٹی کو محکمانہ ڈھانچے کی بحالی پر کام کرنے کے مکمل اختیارات دینے کے بعد رمیز راجا اور ان کے بورڈ کو ہٹا دیا تھا۔

خیال رہے کہ سال 2020ء میں محمد وسیم کو قومی کرکٹ ٹیم کا چیف سلیکٹر بنایا گیا تھا، انہوں نے سال 1996 سے 2000 تک پاکستان کی نمائندگی کرتے ہوئے 18 ٹیسٹ اور 25 ون ڈے انٹرنیشنل کھیل رکھے ہیں۔