پی ٹی آئی ارکان کا اسپیکر کے سامنے پیش ہونے کا فیصلہ

تفصیلات کے مطابق پی ٹی آئی کے 123 ارکان قومی اسمبلی جمعرات کو  اسپیکر قومی اسمبلی راجہ پرویز اشرف کے سامنے مستعفی ہونے کی تصدیق کریں گے جس کے لیے پی ٹی آئی ارکان 22 دسمبر کو کے پی ہاؤس اسلام آباد میں جمع ہوں گے۔ ارکان ممکنہ طور پر شاہ محمود قریشی کی سربراہی میں پارلیمنٹ آئیں گے  اور ان کی ہی قیادت میں اسپیکر  کے سامنے پیش ہوں گے۔

یاد رہے کہ اسپیکر قومی اسمبلی راجا پرویز اشرف نے پی ٹی آئی سینیٹر شبلی فراز کی جانب سے استعفے منظور کرنے کی درخواست مسترد کر دی۔ اسپیکر راجہ پرویز اشرف کا کہنا ہے کہ پی ٹی آئی ارکان کے استعفے ایک ساتھ منظورنہیں کرسکتا اس حوالے سے فیصلہ آئین اورقانون کےمطابق ہوگا۔