میئر کراچی کے امیدوار کا نام فائنل کر لیا گیا

تفصیلات کے مطابق میئر کراچی کے امیدوار کے لیے عمران خان نے خرم شیر زمان کا نام فائنل کر لیا ہے تاہم خرم شیر زمان کے نام کا اعلان عمران خان خود کریں گے۔ پی ٹی آئی اراکین اسمبلی نے 3 دسمبر کو عمران خان سے ملاقات کی تھی،ملاقات میں تمام اراکین سندھ اسمبلی نے اپنے استعفے عمران خان کو جمع کرائے تھے، خرم شیر زمان کی نامزدگی کا فیصلہ بھی اسی روز  عمران خان سے ملاقات میں ہوا تھا۔

ذرائع کے مطابق سندھ کے تمام الیکشن سیل اور معاملات علی زیدی سنبھالیں گے جبکہ کراچی کے بلدیاتی انتخابات کے معاملات بلال غفار دیکھیں گے اور سندھ میں جنرل الیکشن کے سیل کے سربراہ فردوس شمیم نقوی ہوں گے۔