ملک میں دہشت گردی سے متعلق عمران خان کا ٹویٹ

تفصیلات کے مطابق ٹوئٹر پر ٹویٹ کرتے ہوئے عمران خان نے کہا کہ معیشت کو زمین پر لانے کے علاوہ امپورٹڈ حکومت دہشت گردی سے نمٹنے میں ناکام رہی۔ عمران خان کا کہنا تھا کہ چمن سے سوات، لکی مروت سے بنوں تک دہشت گردی کے واقعات میں 50 فیصد اضافہ ہوا، پاک افغان سرحد سے ہونے والے حملوں سے نمٹنے میں بھی حکومت ناکام رہی۔انہوں نے کہا کہ ہمارے سپاہی، پولیس اور مقامی لوگ روزانہ اپنی جانوں کے نذرانے دے رہے ہیں، دہشت گردی کے بڑھتے خطرے اور مغربی سرحد کے اس پار سے حملوں کا حکومت ذکر تک نہیں کر رہی۔عمران خان کا کہنا تھا کہ ان سب کی دلچسپی صرف این آر او 2 میں ہے۔ انہوں نے مزید کہا کہ معیشت کی زبوں حالی کے باوجود حکومت انتخابات کے انعقاد سے گھبرا رہی ہے،انتخابات ہی سیاسی استحکام کے ذریعے معیشت کو مستحکم کرنے کا واحد راستہ ہے۔