امریکی کمانڈر سینٹ کام جنرل ایرک کوریلا کی پاکستان کے آرمی چیف جنرل عاصم منیر سے ملاقات

آئی ایس پی آر کے مطابق کمانڈر امریکی سینٹ کام جنرل ایرک کوریلا کا جنرل عاصم منیر نے جی ایچ کیو پہنچنے پر استقبال کیا، کمانڈر امریکی سینٹ کام نے یادگار شہدا پر پھول بھی رکھے۔ ملاقات میں باہمی دلچسپی کے امور اور علاقائی سلامتی پر تبادلہ خیال کیا گیا، امریکی جنرل نے دہشت گردی کے خلاف جنگ میں پاکستان کی کامیابیوں کااعتراف کیا۔ پاک،امریکا مسلح افواج کے درمیان وفود کی سطح پر بات بھی ہوئی، مہمان نے علاقائی امن کے لیے پاکستان کے تعاون کا اعتراف بھی کیا۔ امریکی وفد آج طورخم بارڈر کا دورہ بھی کرے گا، وفد کو انسداد دہشتگردی اور پاک افغان سرحد پر بارڈر مینجمنٹ کےطریقہ کار سےآگاہ کیا جائے گا۔