سندھ ہائیکورٹ نے اعظم سواتی کی مزید مقدمات میں گرفتاری روک دی

تفصیلات کے مطابق اعظم سواتی کے بیٹے عثمان سواتی نے والد کی سندھ میں گرفتاری  کے خلاف درخواست دائر کی تھی جس کی فوری سماعت کی استدعا کی گئی تھی۔ سندھ ہائیکورٹ نے فوری سماعت کرتے ہوئے جسٹس کے کے آغا کی سربراہی میں 2  رکنی بینچ نے سماعت  کی۔عدالت نے درخواست  پر مختصر سماعت کے بعد مزید مقدمات میں اعظم سواتی کو گرفتار کرنے سے روک دیا۔ عدالت نے عثمان سواتی کی دونوں درخواستوں کو یکجا کرنے کی ہدایت کرتے ہوئے آئی جی سندھ اور پراسیکیوٹر جنرل سندھ کو نوٹسز جاری کردیے۔سندھ ہائیکورٹ نے پراسیکیوٹر جنرل سندھ سے 14  دسمبر تک جواب طلب کرتے ہوئے سماعت کل تک ملتوی کردی۔

یاد رہے کہ پی ٹی آئی رہنما اعظم سواتی متنازع ٹوئٹ کے کیس میں گرفتار ہیں جنہیں گزشتہ ہفتے سندھ پولیس نے گرفتار کیا اور انہیں بلوچستان سے سکھر منتقل کیا گیا۔