سیکورٹی فورسز اور سی ٹی ڈی کا انٹیلیجنس بیسڈ آپریشن

تفصیلات کے مطابق سکیورٹی فورسز اور سی ٹی ڈی نے دہشت گردوں کی افغانستان بارڈر پارکرنے کی اطلاع پر انٹیلیجنس بیسڈ آپریشن کیا۔ آپریشن کے دوران انٹیلی جنس بیسڈآپریشن ٹیم کا سامنا ہونے پر دہشت گردوں نے فائرنگ کردی ، جوابی فائرنگ میں 4 دہشت گرد ہلاک ہوگئے۔ سی ٹی ڈی پولیس کے مطابق ہلاک دہشت گردوں میں داعش کا مقامی کمانڈر محمد داؤد شامل ہے جبکہ 2ہلاک دہشت گردوں کی شناخت عبداللہ اورمحمد لائق کے نام سے ہوئی تاہم ایک ہلاک دہشت گرد کی شناخت تاحال نہ ہوسکی۔

سی ٹی ڈی کا کہنا تھا کہ ہلاک دہشت گردوں 2 ہینڈ گرنیڈ، 2 کلاشنکوف،6 میگزینز اور،2 پستول برآمد کیےگئے جبکہ درجنوں کارتوس ،شناختی کارڈ سمیت پاکستانی کرنسی دیگر سامان برآمد ہوا۔