انگلینڈ کی پلیئنگ الیون میں تبدیلی، لیونگ اسٹون کی جگہ مارک ووڈ ٹیم میں شامل

ذرائع کے مطابق ملتان میں پریس کانفرنس کرتے ہوئے انگلینڈ ٹیم کے کپتان بین اسٹوکس نے کہا کہ ملتان کی کنڈیشن کو دیکھتے ہوئے پلئینگ الیون میں تبدیلی کی ہے، ٹیم میں لیونگ اسٹون کی جگہ مارک ووڈ کو شامل کیا ہے۔ ملتان ٹیسٹ میں ووڈکی بالنگ اسپیڈکو استعمال کریں گے، پچ خشک ہے اس پر ریورس سوئنگ ہوگی۔ اس سے قبل انگلینڈ کی ٹیم کے کپتان بین اسٹوکس نے  ایک بیان میں کہا تھا کہ ملتان میں میچ تاخیر سے شروع اور جلد ختم ہونے کا امکان ہے۔ انکا کہنا تھا کہ ایسی صورتحال میں ممکن ہے کہ ٹیسٹ میں 300 سے 350 اوورز کا کھیل ہو، اگر ایسا ہوتا ہے تو ہمیں مزید خطرے مول لینے والا بننا پڑے گا، اب دیکھتے ہیں کہ ملتان ٹیسٹ میں کیا ہوتا ہے۔