عمران خان کو الیکشن کمیشن نے نوٹس جاری کردیا

ذرائع کے مطابق ضمنی انتخابات میں اخراجات کی تفصیل جمع نہ کرانے پر  الیکشن کمیشن کی جانب سے عمران خان کو نوٹس جاری کردیا گیا جبکہ کیس 13 دسمبر کو مقرر کردیا۔ ضمنی انتخابات میں عمران خان نے 6 حلقوں سے انتخابی اخراجات کی تفصیل جمع نہیں کرائی۔ عمران خان نے صرف چارسدہ سے بطور کامیاب امیدوار اخراجات کی تفصیل جمع کرائی ہے۔ چارسدہ سےبھی اخراجات کی تفصیل مقررہ وقت کے بعد جمع کرائی گئی۔ قانون کے مطابق انتخابات کے بعد 3 دن میں اخراجات کی تفصیل جمع کرانی ہوتی ہے۔انتخابی اخراجات کی تفصیل جمع نہ کرانے پر عمران خان کی کامیابی کےنوٹیفکیشن بھی نہیں ہوسکے۔