انڈر 19 ویمن ٹی ٹوئنٹی ورلڈ کپ کے لیے قومی اسکواڈ کا اعلان

ذرائع کے مطابق آئی سی سی انڈر 19 ویمن ٹی ٹونٹی ورلڈ کپ کے لیے پاکستان ٹیم کا اعلان پاکستان کرکٹ بورڈ کی جانب سے کردیا گیا ہے۔ پاکستان کی ٹیم کی کپتان عروب شاہ مقرر کردی گئی ہیں۔ دیگر کھلاڑیوں میں علیزہ خان، انوشا ناصر، عریشہ نور، ایمان فاطمہ، حلیمہ عظیم ڈار، ہانیہ احمر، لائبہ ناصر، ماہ نور آفتاب، قرت العین احسن اور ردا اسلم شامل ہیں۔ شوال ذوالفقار، وردہ یوسف، زیب النساء اور زامینہ طاہر کو بھی ٹیم کا حصہ بنایا گیا ہے، جب کہ ریزرو کھلاڑیوں میں اقصہ یوسف، دینا رضوی، ماہم انیس، مسکان عابد اور تہذیب شاہ شامل ہیں۔ آئی سی سی انڈر 19 ویمن ٹی ٹونٹی ورلڈ کپ 14 سے 29 جنوری تک ساؤتھ افریقہ میں کھیلا جائے گا۔ پاکستان انڈر 19 ویمن ٹیم 15 جنوری کو روانڈا، 17 جنوری کو انگلینڈ اور 19 جنوری کو زمبابوے کے خلاف میچ کھیلے گی۔