گیس صارفین کے لیے اہم خبر
ذرائع کے مطابق لاہور میں میڈیا سے گفتگو کرتے ہوئے سوئی نادرن گیس کے ایم ڈی علی جے ہمدانی نے کہا کہ یوکرین اور روس کی جنگ کی وجہ سے گیس کی سپلائی متاثر ہوئی۔ آر ایل این جی عالمی منڈی میں مہنگی ہوئی جس کی وجہ سے اس بار زیادہ گیس نہیں خریدی جاسکی۔لو پریشر والے علاقوں میں ایل جی پی سلنڈر فراہم کررہے ہیں۔ انہوں نے کہا کہ انڈسٹری کو گیس منقطع نہیں کر رہے، بحران کی وجہ سے نئے کنکشنز پر پابندی عائد ہے۔ بحران کے باوجود گھریلو صارفین کو صبح 6 سے9 ، دوپہر 12 سے 2 اور شام میں 6 سے9 بجے تک گیس فراہم کی جائے گی۔ ان کا مزید کہنا تھا کہ کمپریسر لگا کر گیس چوری کرنے والوں کے خلاف کارروائی کی جائے گی، اربوں روپے کی گیس چوری پکڑی ہے۔ انہوں نے کہا کہ گیس کی قیمتوں میں اضافہ ہونا چاہیے کیونکہ ہم مہنگی خرید کر سستی نہیں بیچ سکتے۔
